ऊर्जा खबर
म्याग्दी । मुस्ताङको लोमान्थाङ गाउँपालिकाको २ वटा वडाका बासिन्दालाई विद्युतीय चुलो वितरण गरिएको छ । दाउरा र ग्यासको खपत घटाएर जलवायु परिवर्तनका असर न्यूनीकरण तथा वातावरण संरक्षणका लागि लोमान्थाङ गाउँपालिकाले चुलो वितरण गरेको हो ।
लोमान्थाङ गाउँपालिकाका अध्यक्ष टसीनर्बु गुरुङका अनुसार वडा–३ फुवा र वडा–४ किमलिङका २१० परिवारलाई निःशुल्क एक/एक थान विद्युतीय चुलो वितरण गरिएको छ । उनले भने ‘दाउराको विकल्पमा विद्युतीय चुलोको प्रयोग बढाएर वातावरण संरक्षणको प्रयास गरेका हौँ ।’
अध्यक्ष गुरुङ र उपाध्यक्ष छ्युमी विष्टसहित वडाका जनप्रतिनिधिले बुधबार सम्बन्धित वडामा पुगेर चुलो वितरण गरेका हुन् ।
विद्युतीय चुलो खरिदका लागि गतवर्ष ८ लाख रुपैयाँ विनियोजन गरेको लोमान्थाङ गाउँपालिकाले यसवर्ष पनि बजेट व्यवस्था गरेको र सोबाट खरिद गरेर बाँकी ३ वटा वडाका सबै परिवारलाई वितरण गरिने जनाएको छ ।
विद्युतीय चुलो खरिदका लागि गतवर्ष ८ लाख रुपैयाँ विनियोजन गरेको लोमान्थाङ गाउँपालिकाले यसवर्ष पनि बजेट व्यवस्था गरेको र सोबाट खरिद गरेर बाँकी ३ वटा वडाका सबै परिवारलाई वितरण गरिने जनाएको छ ।
