जलविद्युत आयोजनाबाट ३ अर्ब रुपैयाँ रोयल्टी संकलन

काठमाडौं । निर्माण सम्पन्न जलविद्युत आयोजनाबाट आर्थिक वर्ष २०७७/७८ मा करिब ३ अर्ब रुपैयाँ रोयल्टी संकलन भएको छ । देशका विभिन्न जिल्लामा पहिचान भई निर्माण पूरा गरी सञ्चालनमा रहेका आयोजनाले सरकारलाई रोयल्टी बुझाएका हुन् ।

नेपाल विद्युत प्राधिकरणको स्वामित्वमा रहेका २० सहित १०२ जलविद्युत आयोजनाले जडित क्षमता र विद्युत बिक्री बापतको २ अर्ब ८३ करोड ३१ लाख ४२ हजार रुपैयाँ रोयल्टी तिरेको विद्युत विकास विभागले जनाएको छ । विभागका अनुसारका ५४ करोड ३४ लाख १४ हजार रुपैयाँ सञ्चालनमा रहेका जलविद्युत आयोजनाको जडित क्षमताको रोयल्टी रकम रहेको छ ।

२ अर्ब २८ करोड ९७ लाख २८ हजार रुपैयाँ जलविद्युत आयोजनाको विद्युत बिक्री बापत संकलन भएको रोयल्टी रकम हो । नेपाल विद्युत प्राधिकरणले २० जलविद्युत आयोजनाको १ अर्ब ५५ करोड ६० लाख ५४ हजार रुपैयाँ रोयल्टी बुझाएको छ ।

प्राधिकरणले विद्युत बिक्री वापतको १ अर्ब १३ करोड ८२ लाख ७२ हजार रुपैयाँ र जडित क्षमता वापत ४१ करोड ७७ लाख ८२ हजार रुपैयाँ रोयल्टी बुझाएको विभागले जनाएको छ ।

प्राधिधकरणले सबैभन्दा १४४ मेगावाटको कालीगण्डकी ‘ए’ जलविद्युत केन्द्रको रोयल्टी बुझाएको छ । यो केन्द्रले ५९ करोड १४ लाख २९ हजार रुपैयाँ रोयल्टी तिरेको छ । यस्तै, सबैभन्दा कम १.०२४ मेगावाटको तिनाउ जलविद्युत केन्द्रले १९३३ रुपैयाँ बुझाएको विभागले जनाएको छ  ।