ऊर्जा खबर
काठमाडौं । बागमती प्रदेशको धादिङ जिल्लामा २४ मेगावाटको इलेप खोला जलविद्युत आयोजना निर्माण हुने भएको छ । जलशक्ति हाइड्रोपावर कम्पनीले आयोजना निर्माण गर्न लागेको हो ।
अध्ययन पूरा भएको आयोजनाको उत्पादन अनुमतिपत्र लिने प्रक्रिया अन्तिम चरणमा पुगेको छ । विद्युत विकास विभागले कम्पनीलाई उत्पादन अनुमतिपत्र दिन ३५ दिने सूचना जारी गरेको छ ।
विभागका अनुसार वन तथा वातावरण मन्त्रालयबाट स्वीकृत वातावरणीय प्रभाव मूल्याङकन प्रतिवेदन र आयोजनाको अध्यययन रिपोर्टका आधारमा प्रवद्र्धक कम्पनीलाई उत्पादन अनुमतिपत्र दिने तयारी भइरहेको छ ।
विभागले अनुमतिपत्र जारी गर्नुअघि आयोजना निर्माण तथा सञ्चालन गर्दा पर्न सक्ने प्रतिकुल असरका बारेमा सम्बन्धित सरोकारवालासँग राय/सुझाव मागेको छ । विभागले सूचना जारी भएको मितिले ३५ दिनभित्र प्राप्त हुने गरी राय/सुझाव पठाउन सरोकारवालसँग समक्ष आग्रह गरेको छ ।
सरोकारवाले विभाग वा प्रवद्र्धक कम्पनीको कार्यालयमा प्राप्त हुने गरी राय/सुझाव पठाउन सरोकारवालाले पठाउन सक्ने विभागले जनाएको छ ।आयोजनाको मुख्य संरचना इलेप खोलाको बायाँ किनारमा पर्दछ ।
इलेप खोलामा बाँध बाँधी ३ हजार ३ सय २० मिटर लामो सुरुङ तथा ७ सय ५० मिटर लामो पेनस्टक पाइप राखेर इलेप खोलाको बायाँ तथा मेनचेत खोलाको दायाँ अर्थात दुई खोला बिचको दोभानमा निर्माण हुने विद्युतगृहमा पानी खसालिनेछ ।
विद्युतगृहमा जडान टर्वाइनमा पानी खसाली टर्वाइनमा जडान भएको २ वटा ३ फेज जेनेरेटरमार्फत विद्युत उत्पादन गरिनेछ । आयोजना पूरा भएपछि वार्षिक १४४.८६ गिगावाट घण्टा विद्युत उत्पादन हुनेछ ।
आयोजनाबाट २०८१ मंसिर २५ गतेभित्र विद्युत उत्पादन सुरु गर्ने लक्ष्य छ । आयोजनाबाट उत्पादन हुने विद्युत विद्युतगृहदेखि ३२ किलोमिटर १३२ केभी प्रसारण लाइन निर्माण गरी नेपाल विद्युत प्राधिकरणको प्रस्तावित त्रिशुली–३ ‘बी’ सबस्टेसनमा लगेर जोडिनेछ ।
