अप्पर लोहरे हाइड्रोको ५ लाख कित्ता सेयर आवेदन खुल्ला

काठमाडौं । अप्पर लोहरे खोला हाइड्रो पावर कम्पनी लिमिटेडको ५ लाख कित्ता सेयर आवेदन खुल्ला भएको छ । कम्पनीले प्रभावित स्थानीय र वैदेशिक रोजगारीमा गएका नेपाली नागरिकका लागि छुट्याएको सेयर आवेदन खुल्ला गरेको हो । 

जारी पूजीको १० प्रतिशत अर्थात ५ करोड ९ लाख ८० हजार ४ सय रकम बराबरको सय रुपैयाँ अंकति ५ लाख ९ हजार ८ सय ४ कित्ता सेयर निष्कासन गरेको कम्पनीले जनाएको छ । कम्पनीको अनुसार निष्कासित सेयरमध्येको ५० प्रतिशत अर्थात २ लाख ५४ हजार ९ सय २ कित्ता सेयर अति प्रभावित क्षेत्र नौमुले गाउँपालिका वडा नम्बर ३ का स्थानीयवासीहरुका लागि र ५० प्रतिशत अर्थात २ लाख ५४ हजार ९ सय २ कित्ता सेयर दैलेख जिल्लाको स्थानीयबासीहरुका लागि निष्कासन गरेको गरिएको हो । 

यसैगरी, जारी पुँजीको १० प्रतिशत अर्थात १ करोड ९८ लाख ८२ हजार ४ सय रकम बराबरको सय रुपैयाँ अंकित १ लाख ९८ हजार ८ सय २४ कित्ता सेयर वैदेशिक रोजगारीमा गएका नेपाली नागरिकका लागि निष्कासन गरिएको छ । 

प्रभावित स्थानीय र वैदेशिक रोजागरीमा गएका नेपाली नागरिकले न्यूनतम १० कित्तादेखि अधिकतम २५ हजार कित्ता सम्म आवेदन दिन पाउनेछन् । स्थानीयले छिटोमा असार २१ गतेसम्म र ढिलोमा साउन ५ गतेसम्म आवेदन दिन पाउनेछन् भने वैदेशिक रोजगारीमा गएका नेपाली नागरिकले असार २१ गतेसम्म मात्र आवेदन दिन पाउनेछन् । 

कम्पनीको सेयर निष्कासन गरी बाँडफाँड गर्न एनआईसी एसिया क्यापिटल लिमिटेडलाई बिक्री प्रबन्धक तोकिएको छ । कम्पनीको दैलेख जिल्लामा ४ मेगावाटको माथिल्लो लोहरे खोला जलविद्युत आयोजना निर्माणाधीन छ ।