ऊर्जा खबर
काठमाडौँ । लोअर इर्खुवा हाइड्रो पावर लिमिटेडले सर्वसाधारणका लागि सेयर निष्कासन गर्ने भएको छ । कम्पनीले २८ लाख ५ हजार ७५० कित्ता साधारण सेयर निष्कासन गर्न लागेको हो ।
कम्पनीले सय रुपैयाँमा अंकित २८ करोड ५ लाख ७५ हजार रुपैयाँ बराबरको सेयर निष्कासन गर्ने तयारी गरेको जानकारी दिएको छ । कम्पनीको सेयर प्रत्याभुति ज्योति क्यापिटलले गर्ने भएको छ ।
मंगलबार क्यापिटल र हाइड्रो पावर कम्पनीबीच सेयर प्रत्याभुति गर्ने सम्झौतामा हस्ताक्षर भएको हो । सम्झौतापत्रमा क्यापिटलका तर्फबाट प्रमुख कार्यकारी अधिकृत विकास ढकाल र कम्पनीका तर्फबाट प्रवन्ध सञ्चालक विश्वेश्वर सुवेदीले सेयर हस्ताक्षर गरे ।
ज्योति विकास बैंकको सहायक कम्पनीको रूपमा रहेको ज्योति क्यापिटलको चुक्ता पुंजी २१ करोड रुपैयाँ रहेको छ । हरेक ग्राहकहरूको सम्पन्नताको सहयात्री बन्ने अभिलाषा बोकेको क्यापिटलले नेपाल धितोपत्र वोर्डमा मर्चेन्ट बैंकरको कार्य गर्न अनुमती प्राप्त गरी लगानी व्यवस्थापन सेवा, संस्थागत परामर्श, धितोपत्रको प्रत्याभूति सेवा प्रदान गरिरहेको छ ।
