ऊर्जा खबर
काठमाडौं । बुटवल पावर कम्पनी (बिपिसी) को बोनस सेयर नेपाल स्टक एस्कचेञ्ज (नेप्से) मा सूचिकृत भएको छ । कम्पनीको बोनस सेयर मंगलबार सूचिकृत भएको हो ।
आर्थिक वर्ष २०७७/७८ को मुनाफाबाट आफ्नो सेयरधनी सदस्यलाई वितरण गरेको १० प्रतिशत बोनस सेयर सूचिकृत भएको कम्पनीले जनाएको छ । कम्पनीका अनुसार २४ लाख ४९ हजार ६ सय ६३ कित्ता बोनस सेयर सूचिकृत भएको हो ।
कम्पनीले गत आर्थिक वर्षको मुनाफाबाट सेयरधनीहरूलाई चुक्ता पूँजीको १० प्रतिशत बोनस सेयर र कर प्रयोजनका लागि १० प्रतिशत नगद गरी कुल २० प्रतिशत लाभांश वितरण गरेको थियो ।
कम्पनीको लगानी रहेका १२ मेगावाटको झिमरुक, ९.४ मेगावाटको आँधीखोला र ४ मेगावाटको खुदी जलविद्युत आयोजना सञ्चालनमा छन् ।
सहायक कम्पनीमार्फत ३० मेगावाटको न्यादीको पनि निर्माण पूरा गरेर परीक्षण समेत सकिएको छ । यस्तै, ३६.४ मेगावाटको काबेली ‘ए’ निर्माणाधीन छन् । १३९.२ मेगावाटको तल्लो मनाङ मस्र्याङ्दी, १६० मेगावाटको मुगु कर्णाली, ७.९ मेगावाटको चिनो खोला, मस्र्याङ्दी क्यासकेड आयोजना अघि बढाउने गरी अनुमति पत्र लिएको छ ।
