नविल बैंक र उपाय बिजनेश बिच व्यवसायिक सम्झौता

काठमाडौं । नविल बैंक लिमिटेड र उपाय बिजनेश सोलुशन्स बिच सम्झौता भएको छ । बैंकका ग्राहकहरूको आवश्यकताअनुसार ग्राहकहरूलाई उपाय बिजनेशमा उपलब्ध सेवाहरू प्रदान गर्न उक्त सम्झौता भएको हो ।

यस साझेदारी अन्तर्गत, बैंकका ग्राहकहरूले कर्जाका लागि आवश्यक प्रारम्भिक कागजात तयार गर्न तथा व्यवसायका लागी वित्तीय व्यवस्थापन, कानूनी र कर व्यवस्थापन गर्नका लागी उपाय विजनेश सोलुशन्सको सेवा लिने छन् । उपायले व्यवसायिक सेवाको बारेमा सजिलो र पारदर्शी समाधान प्रदान गर्नुको साथै बैंकका ग्राहकलाई आवश्यक बमोजिम क्षेत्रगत विशेषज्ञको सेवा उपलब्ध गराउनेछ ।

सम्झौतपत्रमा बैंकका तर्फबाट प्रमुख अमित श्रेष्ठ र उपाय बिजनेशको तर्फबाट प्रमुख कार्यकारी अधिकृत शोभा श्रेष्ठले हस्ताक्षर गरेका छन् । बैंकका प्रमुख श्रेष्ठका अनुसार ‘नविल बैंक, साना तथा मझौला उद्यमीहरुलाई वित्तीय पहुँचमा वृद्धि तथा समग्र अर्थतन्त्रको विकास गर्नका लागि आकर्षक ब्याजदरमा यथाशिघ्र ऋण उपलब्ध गराउनुका साथै विभिन्न सुविधाहरू र सेवाहरू उपलब्ध गराउन सधैं अग्रसर रहेको छ । हामीलाई आशा छ कि यो साझेदारीले साना तथा मझौला उद्यमीहरुको वित्तीय व्यवस्थापन पूर्णता प्रदान गर्नेछ ।’

‘नविल बैंकसँगको सहकार्यले उद्यमीहरूलाई निकै फलदायी हुने बिजनेश सोलुशन्सकी प्रमुख कार्यकारी अधिकृत शोभा श्रेष्ठकाले बताइन ।’ उनका अनुसार ‘उपायले कर्जा सम्बन्धी सेवाहरूका साथै वित्तीय व्यवस्थापन, कानूनी र कर व्यवस्थापन सम्बन्धी व्यवसायिक सेवा प्रदान गरेर बैंकका विभिन्न ग्राहकहरूलाई मार्गदर्शन र मद्दत गर्न सक्षम भएको छ र यो साझेदारीले पनि थप मद्दत पुर्याउनेछ ।’