ऊर्जा खबर
काठमाडौं । नेपाल विद्युत प्राधिकरण भरतपुर वितरण केन्द्रले नियमित विद्युत महसुल नबुझाउने ग्राहकलाई कालाेसूचीमा राखेकाे छ । केन्द्रले बारम्बार ताकेता गर्दा पनि नबुझाउने ग्राहकलाई कालाेसूचीमा राखेकाे हाे ।
बारम्बार ताकेता गर्दा पनि महसुल नबुझाएपछि २७० ग्राहकलाई कालाेसूचीमा राखेकाे केन्द्रले जनाएकाे छ । केन्द्रका अनुसार कालोसुचीमा रहेका ग्राहकबाट २०८० बैशाखसम्ममा ७४ लाख ९२ हजार ८ सय ८१ रुपैयाँ महसुल उठाउन बाँकी छ ।
केन्द्रले समयमा विद्युत महसुल तिर्न आग्रह गर्दा पनि महसुल नतिरेपछि ग्राहकहरू कालोसुचीमा परेका हुन् । कालोसुचीमा परेका ग्राहकबाट २०७९ असारसम्ममा ७८ लाख ८६ हजार ४ सय ८१ रुपैयाँ महसुल असुल गर्न बाँकी थियो ।
२०८० असारभित्र बाँकी बक्यौता महसुल बुझाउँदा १० प्रतिशत छुट हुने हुँदा तत्काल बाँकी बक्यौता बुझाउन पनि केन्द्रले आग्रह गरेको छ । महसुल संकलन विनियमावली अनुसार निरन्तर ६० दिनसम्म महसुल नतिरे विद्युत आपूर्ति बन्द गरिने अर्थात लाइन काटिनेछ । लाइन काटको ६ महिनासम्म पनि महसुल नतिरेपछि ग्राहकलाई कालोसूचीमा राखिएको हो ।
