ऊर्जा खबर
काठमाडौं । सतलज जलविद्युत निगम (एसजेवीएन) ले नवीकरणीय ऊर्जा सम्बन्धित परियोजना विकासको लागि तेल तथा प्राकृतिक ग्यास कर्पोरेशन लिमिटेड (ओएनजीसी) र हिन्दुस्तान साल्ट्स लिमिटेडको सहायक कम्पनी सम्भर साल्ट्स लिमिटेड (एसएसएल) सँग सम्झौता गरेको छ । निगमले नयाँ प्रविधिहरूसहित नवीकरणीय ऊर्जाको विकास गर्न सम्झौता गरेको हो ।
सम्झौताअनुसार अपतटीय, तटवर्ती वायु, सौर्य, हाइब्रिड, चौबीस घण्टे परियोजना, ग्रिन हाइड्रोजन र ग्रिन अमोनिया जस्ता नयाँ प्रविधिहरू सहित नवीकरणीय ऊर्जा सम्बन्धि परियोजनाहरूको विकासका लागि मार्ग प्रदान तथा एकआपसमा सहकार्य हुनेछ ।
परियोजनाको विकासका लागि ओएनजीसी र एसजेवीएनको पूर्ण स्वामित्वमा सहायक कम्पनी एसजेवीएन ग्रीन इनर्जी लिमिटेड (एसजीइएल) स्थापना हुनेछ ।
यसैगरी, एसजीइएलले सौर्य परियोजना/पार्कको विकास गर्न एसएसएलसँग सम्झौता गरेको छ । दुवै कम्पनीले सौर्य परियोजनाको विकासका लागि इक्विटी साझेदारी, राजस्व बाँडफाँडको संयन्त्रलगायतको खोजी गर्नेछन् । यी विकासहरूले नवीकरणीय ऊर्जा क्षेत्रमा एसजेवीएनको सहकार्यले थप मजबुत बनाउनेछ ।
अन्तर्राष्ट्रिय सञ्चार माध्यमको सहयोगमा अनुवाद
