ऊर्जा खबर
काठमाडौं । चालू आर्थिक वर्ष (आव २०७९/८०) मा निजी क्षेत्र तथा नेपाल विद्युत प्राधिकरणका सहायक कम्पनीले निर्माण गरेका आयाेजनाबाट ८०० मेगावाट विद्युत राष्ट्रिय प्रसारण प्रणालीमा जोडिने भएकाे छ । अहिले निर्माणाधीन विद्युत आयोजना सम्पन्न भई अबको १२ महिनाभित्र प्रसारण प्रणालीमा थपिने भएकाे हाे ।
विद्युत खरिद सम्झौता (पिपिए) अनुसार विद्युत उत्पादन गर्न निर्माण भइरहेका र निर्माण अन्तिम चरणमा पुगी विविध कारणले गत आर्थिक वर्षमा आउन नसकेका ८ सय मेगावाटका आयोजनाको विद्युत चालू वर्षमा प्रणालीमा जोडिने प्रक्षेपण रहेको प्राधिकरण, विद्युत व्यापार विभागका निर्देशक प्रबल अधिकारीले बताए । युएसएड अन्तर्गतकाे ऊर्जा नेपाल परियाेजनाले बुधबार काठमाडौंमा आयोजना गरेको ‘क्रस बोर्डर विद्युत व्यापार’ विषयक अन्तरक्रिया कार्यक्रममा उनले यस्तो उक्त कुरा बताएका हुन् ।
अहिले सुदूरपश्चिमकाे कालंगा गाड बेसिनमा निर्माणाधीन ६४.४९ मेगावाट र दोर्दी बेसिनमा निर्माण पूरा भएका ६४ मेगावाट विद्युत प्रणालीमा जोडिने अवस्था छ । यस्तै,५७ मेगावाटको सान्जेन, १४.९ मेगावाटको माया खोला, ८६ मगावाटको दूधकोसी, ८२ मेगावाटको तल्लो सोलु, २८.१ मेगावाटको तल्लो लिखु, ९.६ मेगावाटको दरम खोला, ४० मेगावाट क्षमताको खानी खोला–१ लगायत आयाेजनाबाट विद्युत उत्पादन हुने देखिएकाे छ ।
हाल दर्जनाैं साेलार आयाेजनाहरू समेत निर्माण भइरहेकाे हुँदा प्रणालीमा साैर्य विद्युतकाे पनि याेगदान थपिने देखिएकाे छ।
.jpg)
