ऊर्जा खबर
काठमाडौं । नेपाल इन्जिनियरीङ एसोसियसनले नेपाल आयल निगमका कार्यकारी निर्देशक इन्जिनियर उमेशप्रसाद थानीलाई ‘बेष्ट म्यानेजमेन्ट’ अवार्डबाट सम्मान गरेको छ । एसोसिएसन स्थापनाको ६१ वर्ष पूरा भएको अवसरमा बुधबार (साउन ३ गते) आयोजित कार्यक्रममा उनलाई सम्मान गरेको हो ।
पेट्रोलियम पदार्थको आपूर्ति व्यवस्थापनमा पुर्याएको योगदानको कदर गर्दै ‘इन्जिनियरिङ एप्रिसिएसन अवार्ड फर बेष्ट म्यानेजमेन्ट’ विधामा उनलाई सम्मान गरिएको हो । प्रधानमन्त्री पुष्पकमल दाहालले कदरपत्रसहित थानीलाई सम्मान गरे ।
निगमको कार्यकारी निर्देशकमा नियुक्त भएको १५ महिनामा पेट्रोलियम पदार्थको आपूर्ति व्यवस्थापनमा उल्लेखनिय योगदान पुर्याएको हुँदा उनलाई अवार्ड दिइएको छ । विश्वव्यापी रूपमा संकट देखिएको अवस्थामा पनि चुनौतीको सामाना गर्दै देशभरमा पेट्रोलियम आपूर्ति व्यवस्थापन गरेका थिए ।
उनले पेट्रोलियम खरिद गरेबापत भारतीय आयल कर्पोरेशन (आइओसी) लाई तिर्न बाँकी ३१ अर्ब रुपैयाँ बराबरको बक्यौता चुक्ता गरी निगमलाई नाफा उन्मुख गराउन सफल भएका छन् । साथै, विभिन्न कारणले कार्यान्वयन हुन नसकेको पेट्रोलियम पदार्थको स्वचालित मूल्य प्रणाली लागु गराएका छन् ।
