न्यादी हाइड्रो पावरको १५औं वार्षिक साधारणसभा सम्पन्न

काठमाडौं । न्यादी हाइड्रो पावर लिमिटेडको १५औं वार्षिक साधारसणसभा सम्पन्न भएको छ । सोमबार (चैत ६ गते) काठमाडौंको बबरमहसस्थित कार्की  ब्याक्वेटमा साभारणसभा सम्पन्न भएको हो । 

सभाले सञ्चालक समितिको प्रतिवेदन, लेखापरीक्षकको प्रतिवेदन सहित आर्थिक वर्ष (आव) २०७८/७९ को वित्तिय विवरणहरू, लेखापरीक्षण समितिको सिफारिस अनुसार आव २०७९/८० का लागि लेखापरीक्षकको नियुक्ति र निजको पारिश्रमिक निर्धारण गर्ने, तथा सञ्चालक समितिको सिफारिसअनुसार एकजना स्वतन्त्र सञ्चालक नियुक्ति गर्ने लगायतका सबै प्रस्तावहरू पारित गरेको छ ।

कम्पनीले लमजुङ जिल्ला ३० मेगावाटको न्यादी खोला जलविद्युत आयोजना निर्माण सम्पन्न गरी बैशाख २७ गतेदेखि सञ्चालनमा आएको छ । नेपाल विद्युत प्राधिकरणले प्रसारण लाइन निर्माणमा गरेका ढिलाईका कारण आयोजनाले वैकल्पिक प्रसारण लाइन निर्माण गरी विद्युत आपूर्तिको व्यवस्था गरिएको छ ।

आयोजनाबाट वार्षिक १६ करोड ८५ लाख ५० हजार युनिट विद्युत उत्पादन हुनेछ । सन २००० मा लमजुङ विद्युत विकास कम्पनी (लेड्को) ले आयोजनाको सम्भाव्यता अध्ययन गरेको थियो । बुटवल पावर कम्पनी (बिपिसी) लिमिटेड र लेड्कोको सहमतिपछि २०६३ फागुन १७ गते न्यादी कम्पनी खोलेर आयोजना अगाडि बढाइयो । सुरुमा २० मेगावाट पहिचान भएको आयोजना क्षमता विस्तार गरी ३० मेगावाट पुर्याइएको थियो ।

आयोजनामा एभरेष्ट बैंकको अगुवाईमा ६ वित्तीय संस्थाले आयोजनामा लगानी गरेका छन् । नबिल, ग्लोबल आइएमई, हिमालयन, सनराइज बैंक तथा हाइड्रो इलेक्ट्रिसिटी इन्भेष्टमेन्ट एन्ड डेभलपमेन्ट कम्पनी लिमिटेड (एचआइडिसिएल) को लगानी छ ।