ऊर्जा खबर
काठमाडौं । अमेरिकी कम्पनीले नेपालका इलेक्ट्रिकल इन्जिनियरको क्षमता अभिवृद्धि गर्न सहयोग गर्ने भएको छ । अमेरिकाको केएण्डए इन्जिनियरिङ परामर्श कम्पनीले इलेक्ट्रिकल इन्जिनियरिङको क्षेत्रमा सिप विकास तथा अनुसन्धान सहजीकरणका लागि सहकार्य गरी इन्जिनियरको क्षमता अभिवृद्धि गर्न सहयोग गर्ने भएको हो ।
अमेरिकी कम्पनी र त्रिभुवन विश्वविद्यालयको इन्जिनियरिङ अध्ययन संस्थानबीच समझदारी (एमओयु) भएको छ । इन्जिनियरिङ अध्ययन संस्थानका विद्यार्थीहरूको अध्ययन र नवीनत्तम सेवाहरूमा सहभागी गराउनका लागि २ निकायबीच समझदारी भएको हो ।
अध्ययन समझदारी पत्रमा इन्जिनियरिङ अध्ययन संस्थाका डिन प्राध्यापक शशिधरराज जोशी तथा केएण्ड के नेपालका अपरेसन निर्देशक ऋषिकेश शर्माले हस्ताक्षर गरेका छन् । सझदारीअनुसार अमेरिकी कम्पनीको सहयोगमा विश्व विद्यालयका विद्यार्थीले इलेक्ट्रिकल इन्जिनियरिङको क्षेत्रमा विविध अध्ययन अनुसन्धान गर्ने छन् ।
.jpg)
