ऊर्जा खबर
काठमाडौं । देशका विभिन्न स्थानमा पहिचान भएका १५ जलविद्युत आयोजनाले उत्पादन अनुमतिका लागि विद्युत विकास विभागमा आवेदन दिएका छन् । निजी तथा सरकारी क्षेत्रले पहिचान गरेका १०१४.९७४ मेगावाटका आयोजनाले आवेदन दिएको हो ।
विभागका अनुसार ३ मेगावाटदेखि ४५४ मेगावाटसम्मका १५ जलविद्युत आयोजानाले आवेदन दिएका छन् । आवेदन दिएका आयोजना मध्ये सबैभन्दा ठुलो ४५४ मेगावाटको किमाथान्का जलविद्युत आयोजाना रहेको छ । यो आयोजनाको विद्युत उत्पादन कम्पनीले लिमिटडले असार ६ गते निर्माण अनुमतिका लागि आवेदन दिएको विभागको तथ्याङ्कमा उल्लेख छ ।
नेपाल विद्युत प्राधिकरणले आवेदन दिएको चैनपुर सेती २१० मेगावाटको रहेको छ । यो आयोजनाले निर्माण अनुमतिका लागि २०७९ असार २ गते आवेदन दिएको थियो । १०६ मेगावाटको जगदुल्ला जलविद्युत आयोजनाको पनि निर्माण अनुमतिका लागि जगदुल्ला हाइड्रो पावर कम्पनी लिमिटेडले आवेदन दिएको छ ।
यस्तै, ४८ मेगावाटको चुमजुङ खोला, ३८.१६० मेगावाटको कालिका कालिगण्डकी, ३१.९२ मेगावाटको अप्पर मेवा खोला–ए, ३० मेगावाटको होंगु खोला–१, ३०.४ मेगावाटको अप्पर दुध खोला, २४ मेगावाटको लुजा खोला र २१ मेगावाटको पलुन खोला स्मल जलविद्युत आयोजनाले निर्माण अनुमतिका लागि आवेदन दिएको विभागकाे वेपसाइटमा उल्लेख छ ।
४.१ मेगावाटको पिखुवा पशुपती, ४.८९४ मेगावाटको चोमरोन खोला स्मल, ३ मेगावाटको कालिञ्चोक स्मल, ४.७५० मेगावाटको तल्लो ठुलो खोला र ४.२ मेगावाटको छयाङ्दी खोला जलविद्युत अयोजनाले आवेदन दिएको विभाले जनाएको छ ।
