ऊर्जा खबर
काठमाडौं । सिन्धुपाल्चोकमा ३६ मेगावाटको माथिल्लो बेलफी ‘ए’ जलविद्युत आयोजना निर्माण गरी सञ्चालनमा ल्याएको बलेफी हाइड्रो पावर कम्पनीले हकप्रद सेयर निष्कासन अनुपात बढाएको छ । कम्पनीले १ः०.५० को अनुपातबाट बढाएर १ः१ को अनुपातमा सेयर निष्कासन गर्न लागेको हो ।
कम्पनीले यसअघिले फागुन १२ गते बसेको सञ्चालक समितिको बैंठकले १ः०.५० को अनुपातमा ५० प्रतिशत सेयर निष्कासन गर्ने प्रस्ताव गरेको थियो । साउन २ गते बसेको सञ्चालक समितिको बैंठकले १ः१ को अनुपातमा १०० प्रतिशत हकप्रद सेयर निष्कासन गर्ने प्रस्ताव गरेको हो ।
कम्पनीको आयोजनाले गत कात्तिकदेखि बिजुली उत्पादन गरिरहेको छ । यो आयोजनाको विद्युत २२ किलोमिटर दुरीमा रहेको नेपाल विद्युत प्राधिकरणको लामोसाँघु सबस्टेसनमा जोडिएको छ । यो आयोजना करिब ७ अर्ब रुपैयाँमा सम्पन्न भएको छ । आयोजनामा ३० प्रतिशत स्वपूँजी तथा बाँकी ७० पतिशत ऋण लगानी छ ।
.jpg)
