ऊर्जा खबर
काठमाडौं । जगदुल्ला हाइड्रो पावर कम्पनी लिमिटेडको प्रमुख कार्यकारी अधिकृतका लागि माग गरिएकाे आवेदनमा लामाे समयदेखि ऊर्जा विकासमा संलग्न रहेका ५ जनाकाे आवेदन परेकाे छ । आवेदकमध्ये ४ जना प्रारम्भिक छनाेट (सर्ट लिस्ट) मा परेका छन ।
कम्पनीले खुल्ला प्रतिस्पर्धाबाट रिक्त पदपूर्ति गर्न गत फागुन १४ गते आवेदन खुल्ला गरेकाे थियाे । शैक्षिक योग्यता, अनुभव र उम्मेदवार हुन तोकिएका अन्य आवश्यक सर्तहरूको मूल्यांकनका आधारमा संजय सापकोटा, सूर्यप्रकाश पाण्डेय, नरेन्द्रसिंह भण्डारी र बखतबहादुर शाही प्रारम्भिक छनाेटमा परेकाे जनाइएकाे छ । रणनीतिक व्यावसायीक योजना पेश नगरेकोले अठोट कर्मचार्यको आवेदन भने रद्द भएको छ ।
style="text-align: justify;">आवेदकमध्ये भण्डारी करिब ३ दशकदेखि ऊर्जा विकासका विभिन्न क्षेत्रमा संलग्न रहँदै आएका छन । उनी ऊर्जा, जलस्रोत तथा सिँचाइ मन्त्रालयबाट अवकास प्राप्त सहसचिव समेत हुन् । विद्युत विकास विभागमा लामाे समयदेखि उच्च पदकाे जिम्मेवारी सम्हालेका भण्डारी नलसिंहगाड हाइड्रो पावर कम्पनीकाे प्रमुख कार्यकारी अधिकृत समेत रहेका थिए ।
सापकोटा अहिले सोही कम्पनीले अघि बढाएको १०६ मेगावाटको जलदुल्ला जलविद्युत आयोजना प्रमुखका रुपमा कार्यरत छन । उनले यसअघि निमित्त प्रमुख कार्यकारी अधिकृतको जिम्मेवारी समेत सम्हालिसकेका छन । पाण्डेय विद्युत उत्पादन कम्पनी मातहतको १९०२ मेगावाटको मुगु कर्णाली जलविद्युत आयोजना प्रमुख हुन् ।
