ऊर्जा खबर
काठमाडौँ । ५० मेगावाटको मैवा खोला जलविद्युत् आयोजनाको हेडरेस सुरुङ खनेर छिचोलिएको छ । आयोजनाको ४ हजार ८ सय १ मिटर लामो सुरुङको मंगलबार ब्रेक थ्रु गरिएको हो ।
युनाइटेड मेवाखोला हाइड्रोपावर लिमिटेडले ताप्लेजुङको मेवा खोलामा निर्माण गरिरहेको आयोजना निर्माणको अन्तिम चरणमा छ । आयोजना मेरिन गाउँपालिका वडा–३, ४ र ५ मा निर्माणाधीन छ ।
आयोजनाको सिभिलको काम सम्पन्न भइसकेको छ । करिब ९ अर्ब लागतको आयोजना २०७८ भदौबाट निर्माण सुरु गरिएको थियो । कम्पनीले उक्त आयोजना २०८१ असोजभित्र सम्पन्न गर्ने लक्ष्य राखेको छ ।
आयोजनाबाट हिउँदमा ९७.४२४ मेगावाट घन्टा र बर्खामा २०५.५८७ गिगावाट गरी वार्षिक ३०३.०११ मेगावाट घन्टा विद्युत् उत्पादन हुने समेत आयोजनाले जनाएको छ ।
