ऊर्जा खबर
काठमाडौं । माथिल्लो मैलुङ खोला जलविद्युत लिमिटेडले सेयर आवेदन अवधि थप गरेको छ । कम्पनीले साउन ४ गतेदेखि खुल्ला गरेको सेयरमा प्रभावित स्थानीयले निर्धारित समयमा दरखास्त बुझाउन नसकेपछि आवेदन अवधि थप गरेको हो ।
प्रभावित क्षेत्रका बासिन्दाहरुका उक्त क्षेत्रमा अविरल वर्षाका कारण बाढी पहिरो, भौगोलिक जटिलता, मौसमी प्रतिकुलता तथा प्राकृतिक प्रकोपजस्ता कारणले गर्दा यातायात सञ्चालन अवरुद्ध भई तोकिएको केन्द्रमा संकलन दरखास्त बुझाउन सहज नभएकाले आवेदन बुझाउने अवधि १५ दिन थप गरेको कम्पनीले जनाएको छ । कम्पनीका अनुसार प्रभावित स्थानीयका लागि १० लाख कित्ता सेयर आवेदन बिक्री खुल्ला भइरहेकाे छ।
प्रभावित स्थानीयले न्यूनत्तम १० कित्तादेखि अधित्तम १० लाख कित्तासम्म आवेदन दिन पाउनेछन् । स्थानीयले भदौ १५ गतेसम्म आवेदन दिन पाउनेछन् । कम्पनीको सेयर निष्कासन गरी बाँडफाँड गर्न सानिमा क्यापिटल लिमिटेडलाई बिक्री प्रबन्धक तोकिएको छ ।
कम्पनीको रसुवामा निर्माणाधीन १४.३ मेगावाटको माथिल्लो मैलुङ खोला जलविद्युत आयोजनको काम अन्तिम चरणमा पुगेको छ ।
.jpg)
