ऊर्जा खबर
काठमाडौं । जुम्ला जिल्लाको तिला गाउँपालिकामा उद्यमशिलता विकास र वित्तीय साक्षरता सम्बन्धि ६ दिने तालिम कार्यक्रम सम्पन्न भएको छ । युवा उद्यमशिलता र स्वरोजगार प्रवद्र्धन गरी युवालाई आत्मनिर्भर बनाउदै समृद्धि तर्फ अग्रसर गराउने उद्येश्यका साथ सुरु गरिएको तालिम कार्यक्रम सम्पन्न भएको हो ।
कार्यक्रमका लागि बैंक, राष्ट्रिय युवा परिषद र तिला गाउँपालिकाबीच त्रिपक्षीय समझदारी भएको थियो । महिलाहरुको उलेख्य सहभागिता रहेको उक्त कार्यक्रममा उनीहरु तालिममा मात्र सहभागी नभएर, घर परिवारका सदस्यहरुलाई समेत तालिममा सहभागी गराएका थिए ।
युवा र महिलाहरुको उद्यमशिलता विकास र रोजगारी सिर्जनामा सहयोग गरी दिगो समाजको निर्माण गर्न बैंक सधै तत्पर रहेको बैंकका नायब प्रमुख कार्यकारी अधिकृत सुजित कुमार शाक्यले बताए ।
बैंकबाट साना कर्जा लिएका उद्यमीहरु अहिले करोडौको कारोबार गरिरहेको उदाहरण दिदै ठुलो सपना बोकेर स्वरोजगारमा अगाडि बढ्न बैंक संचालक समितिका अध्यक्ष उपेम्द्र प्रसाद पौडेलले बताए । उनका अनुसार उद्यमशिलता विकास र स्वरोजगार प्रवद्र्धनमा बैंकको सधै साथ रहनेछ ।
कार्यक्रममा सहभागी हुन टाढाटाढाबाट कोही लौरो टेकेर त कोही बच्चा च्यापेरसमेत आएको देख्दा उत्साहित भएको शाक्यले बताए । उनका अनुसार स्याउ, ओखर, मार्सी चामल, आरु, आलु, सिमी खेती हुने भएकोले त्यहाँका स्थानीयले ऋण सुविधा मागेको र भेडाबाख्रा पालन त्यहाँका वासिन्दाको मूख्य व्यवसाय हुन सक्छ । दिगो बैंकिङ प्रवद्र्वन गरिरहेका कारण बैंकले स्थानीयलाई आर्थिक तथा वित्तीय सहयोग गर्ने शाक्यले बताए ।
गाउँपालिकाका युवा उद्यमका लागि आह्वान गरेको सुचना बमोजिम दरखास्त दिई छनौट भएका युवाहरुलाई गत २० गतेदेखि २७ गतेसम्म सम्म तालिम प्रदान गरिएको थियो । तालिममा ६३२ जनाले आवेदन दिएका थिए । १९४ परिवारका सदस्यहरु सहभागी भएको उक्त तालिम÷कार्यक्रममा महिलाको संख्या आधाभन्दा बढि रहेको थियो ।
