ऊर्जा खबर
काठमाडौं । नेपाल इन्फ्रास्ट्रक्चर बैंक लिमिटेड (निफ्रा) ले ५ अर्ब रुपैयाँ बराबरको ‘ऊर्जा ऋणपत्र’ जारी गर्न अनुमति पाएको छ । नेपाल धितोपत्र बोर्डले ‘निफ्रा ऊर्जा ऋणपत्र २०८५/८६’ निष्कासनको अनुमति दिएको हो ।
बैंकले ५ अर्ब बराबरको ५ लाख कित्ता उर्जा ऋणपत्र जारी गर्ने अनुमति पाएको हो । बोर्डले कात्तिक २४ गते अनुमति प्रदान गरेको हो । ३ लाख कित्ता निजि तबरबाट बिक्रि हुनेछ भने २ लाख कित्ता सर्वसाधारणको लागि निष्कासन हुनेछ ।
७ वर्षे अवधिको यस ऋणपत्रमा बैंकले ७ प्रतिशत ब्याज प्रदान गर्नेछ । ऋणपत्र निष्कासनको लागि एनआईबिएल एस क्यापिटल बिक्रि प्रबन्धक तोकिएको छ ।
नेपाल राष्ट्र बैंकले आर्थिक वर्ष ७८/७९ को मौद्रिक नीतिको अर्थवार्षिक समिक्षा मार्फत पूर्वाधार विकास बैंकले समेत ऊर्जा ऋणपत्र जारी गर्नसक्ने व्यवस्था गरेको थियो । सोहि अनुसार बैंकले उर्जा ऋणपत्र निष्कासन गर्न लागेको हो ।
बैंकले ऊर्जा, सहरी विकास, यातायात लगायत पूर्वाधार परियोजनामा लगानी गर्दै आएको छ । बैंकले स्थापनाको छोटो अवधिमा २२ वटा पूर्वाधार परियोजनामा करिब २७.५० अर्ब रुपैयाँ लगानी गर्ने प्रतिबद्धता जनाएको छ ।
.jpg)
