ऊर्जा खबर
काठमाडौं । मन्दाकिनी हाइड्रो पावरले आफ्नो सेयरधनी सदस्यका लागि नगद लाभांश र बोनस सेयर दिने निर्णय गरेको छ । सञ्चालक समितिको मंसिर १९ गते बसेको बैठकले आफ्नो सेयरधनी सदस्यका लागि लाभांश दिने निर्णय गरेको हो ।
आर्थिक वर्ष २०७९/८० को चुक्ता पुँजीको ४.७५ बोनस सेयर र ०.२५ प्रतिशत कर प्रयोजनाका लागि नगद लाभांश दिने निर्णय गरेको कम्पनीले जनाएको छ । कम्पनीले गरेको प्रस्ताव साधारण सभाले पारित गरेपछि सेयरधनीले बाेनस सेयर र नगद लाभांश पाउनेछन् ।
कम्पनीको साधारणसभा पुस २९ गते हुने भएको छ । सभाले आर्थिक वर्ष २०८०/८१ को लेखापरीक्षक नियुक्त गरी पारिश्रमिक समेत निर्धारण गर्ने जनाइएको छ ।
सभामा वार्षिक प्रतिवेदन, वित्तीय विवरण, नाफा/नोक्सन हिसाब नगद प्रवाह लगायत विषयमा छलफल गरि पारित गर्नेछ । कम्पनीको कास्की जिल्लाको सार्दी खोलामा ४ मेगावाटको सार्दी खोला जलविद्युत् आयोजना सञ्चालनमा छ ।
