ऊर्जा खबर
काठमाडौं । पिस इनर्जी कम्पनीले २१ मेगावाटको माथिल्लो काबेली जलविद्युत आयोजना निर्माण गर्ने भएको छ । कम्पनीले प्रदेश नम्बर १ को ताप्लेजुङ जिल्लामा पहिचान भएको आयोजना अघि बढाउन लागेको हो ।
अध्ययन पूरा भएको आयोजनाको उत्पादन अनुमतिपत्र लिने प्रक्रिया अन्तिम चरणमा पुगेको छ । विद्युत विकास विभागले कम्पनीलाई उत्पादन अनुमतिपत्र दिन ३५ दिने सूचना जारी गरेको छ ।
विभागका अनुसार वन तथा वातावरण मन्त्रालयबाट स्वीकृत वातावरणीय प्रभाव मूल्याङकन प्रतिवेदन र आयोजनाको अध्यययन रिपोर्टका आधारमा प्रवद्र्धक कम्पनीलाई उत्पादन अनुमतिपत्र दिने तयारी भइरहेको छ ।
विभागले अनुमतिपत्र जारी गर्नुअघि आयोजना निर्माण तथा सञ्चालन गर्दा पर्न सक्ने प्रतिकुल असरका बारेमा सम्बन्धित सरोकारवालासँग राय÷सुझाव मागेको छ । विभागले सूचना जारी भएको मितिले ३५ दिनभित्र प्राप्त हुने गरी राय÷सुझाव पठाउन सरोकारवालसँग समक्ष आग्रह गरेको छ ।
विभाग वा प्रवद्र्धक कम्पनीको कार्यालयमा प्राप्त हुने गरी राय÷सुझाव पठाउन सरोकारवालाले पठाउन सक्ने विभागले जनाएको छ । आयोजनाको बाँधस्थल सिदिङ्वा गाउँपालिकामाको बायाँ र सिरीजङगा गाउँपालिकाको दाया रहने गरी डिजाइन तयार पारिएको कम्पनीले जनाएको छ ।
विद्युतगृह सिरीजङ्घा डाडाँ गाँउ नजिक रहनेछ । बाँधस्थलबाट ४ हजार ९ सय ९५ मिटर लामो हेडरेस पाइप र १ हजार ५४ मिटर लामो स्टील पाइपमार्फत विद्युतगृहमा पुर्याइनेछ ।
विद्युतगृहमा २ वटा टर्वाइन जडान हुनेछ । टवाईनमा जडान भएको ३ फेजको २ वटा जेनेरेटरमार्फत विद्युत उत्पादन गरिनेछ । आयोजनाबाट वार्षिक १६६.५ गिगावाट घण्टा विद्युत उत्पादन हुनेछ । आयोजनाबाट २०८२ साउनभित्र विद्युत उत्पादन सुरु गरिने कम्पनीले जनाएको छ ।
उत्पादीत विद्युत १३२ केभी प्रसारण लाइन हुँदै करिब २५ किलोमिटर दुरीमा रहेको नेपाल विद्युत प्राधिकरणको ढुंगेसाँघु सबस्टेसनमा जोडिनेछ । सबस्टेसनसम्मको आवश्यक प्रसारण लाइन कम्पनी आफैले निर्माण गर्नेछ ।
