ऊर्जा खबर
काठमाडौं । भारतको इन्डियन आयाल कर्पोरेसन (आईओसी) ले असोज ३० गते (आइबातर) पेट्रोलियम पदार्थको मूल्य बढाएर पठाएको छ । नेपाल आयल निगमले विज्ञप्ति जारी गर्दै मूल्य बढेर आएको जानकारी दिएको हो ।
भारतबाट आइतबार बढेर आएको नयाँ मूल्य सूचीअनुसार डिजेल र हवाइ इन्धनको मूल्य बढेको छ । नयाँ मूल्य सूचीअनुसार पेट्रोल प्रतिलिटर १.७४ रुपैयाँ, डिजेल प्रतिलिटर १५.६० रुपैयाँ र हवाई इन्धन प्रतिलिटर १०.२५ रुपैयाँले बढेर आएको छ ।
निगमले जारी गरेको विज्ञप्तिअनुसार मूल्य बढेर आएपनि निगमलाई आगामी १५ दिनमा करिब ३९ करोड नाफा हुने अनुमान गरेको छ ।
अन्तर्राष्ट्रिय बजारमा हाल कच्चा तथा प्रशोधित पेट्रोलियम पदार्थको मूल्य पुनः बढ्ने क्रममा रहेको तथा अमेरिकी डलरसँग नेपाली मुद्राको विनियम दर कमजोर हुँदै गएको अवस्थामा आपूर्ति सुचारु राख्न निगमलाई अझैपनि चुनौती देखिएको निगमले जनाएको छ ।
.jpg)
