ऊर्जा खबर
काठमाडौं । मन्दाकिनी हाइड्रो पावर लिमिटेडले साउन ९ गतेदेखि ११ लाख कित्ता सेयर निष्कासन गर्ने भएको छ । कास्की जिल्लाको सार्दी खोलामा रहेको ४ मेगावाटको सार्दी खोला जलविद्युत केन्द्रले सर्वसाधारण्का लागि छुट्याएको साधारण सेयर निष्कासन गर्न लागेको हो ।
सय रुपैयाँ अंकित ११ करोड ७६ लाख ७ हजार ३ सय रुपैयाँ बराबरको ११ लाख ७६ हजार ७३ कित्ता सेयर निष्कासन गर्न लागेको कम्पनीले जनाएको छ । कम्पनीका अनुसार निष्कासन हुने सेयरमध्ये ५ प्रतिशत हुन आउने अर्थात ५८ हजार ८ सय ३ कित्ता सामूहिक लगानी कोषका लागि, २ प्रतिशत हुन आउने अर्थात २३ हजार ५ सय २१ कित्ता सेयर कम्पनीका कर्मचारीका लागि छुट्याएको छ ।
बाँकी रहेको १० लाख ९३ हजार ७ सय ४९ कित्ता सेयर सर्वसाधारण्का लागि निष्कासन गरिनेछ ।
सर्वसाधारणले छिटोमा साउन १२ गते र ढिलोमा साउन २३ गते सम्म आवेदन दिन सक्नेछन् । आवेदकले न्यूनतम १० कित्ता देखि अधिकतम १ लाख कित्ता सम्म आवेदन दिन पाउनेछन् ।
कम्पनीको सेयर निष्कासन गरी बाँडफाँड गर्न बिओेके क्यापिटललाई बिक्री प्रबन्धक तोकिएको छ । कम्पनीले कास्की जिल्लाको सार्दी खोलामा रहेको ४ मेगावटको सार्दी जलविद्युत केन्द्रले २०७४ मंसिर २३ गतेदेखि निन्तर विद्युत उत्पादन गरिरहेको छ ।
.jpg)