ऊर्जा खबर
काठमाडौँ । अपर तामाकोसी हाइड्रोपावर लिमिटेडको सञ्चालक समितिको अध्यक्षमा हितेन्द्रदेव शाक्य सर्वसम्मत चयन भएका छन् । नेपाल विद्युत् प्राधिकरणका कार्यकारी निर्देशक नियुक्त भएपछि उनलाई प्राधिकरणको तर्फबाट अपर तामाकोसीको सञ्चालकका रूपमा मनोनयन गर्दै प्राधिकरणले कम्पनीलाई चैत २१ गते पत्र पठाएको थियो ।
कम्पनी सञ्चालक समितिको चैत २९ गते बसेको बैठकले साेही पत्रका आधारमा उनलाई सञ्चालकको रूपमा स्वागत गर्दै अध्यक्ष पदमा सर्वसम्मत चयन गरेको कम्पनीले जनाएको छ ।
सरकारी निकायहरूको ५१ प्रतिशत सेयर स्वामित्व रहेको यस कम्पनीमा नेपाल विद्युत् प्राधिकरणको सबैभन्दा बढी ४१ प्रतिशत सेयर स्वामित्व छ । त्यस्तै, नेपाल टेलिकमको ६ प्रतिशत, राष्ट्रिय बीमा संस्थान तथा नागरिक लगानी कोषको २ प्रतिशत सेयर स्वामित्व छ ।
.jpg)
.jpg)
