ऊर्जा खबर
काठमाडौं । भारी वर्षापछि आएको बाढीले विद्युतीय पोल बगाउँदा मंगलबार (असार १ गते) साँझदेखि मुग्लिङ क्षेत्रको विद्युत सेवा पूर्णरूपमा अवरुद्ध भएको छ । लगातारको वर्षापछि मर्स्याङदी नदीमा आएको बाढीले आबुखैरेनीतर्फको ११ केभी लाइनको पोल बगाउँदा सेवा अवरुद्ध भएको हो ।
नेपाल विद्युत् प्राधिकरण भरतपुर वितरण केन्द्रले आँबुखैरेनी सबस्टेसनबाट ११ केभी लाइन तानी मुग्लिनदेखि धादिङकाे सिमानासम्म विद्युत् सेवा पुर्याइरहेकाे छ । बाढीले १४ वटा पाेलमा क्षति पुग्दा मुग्लिन बजारदेखि मनकामना केबलकार र धादिङकाे सिमाना माैवा खाेलासम्म 'ब्लायाक आवट' भएकाे केन्द्र प्रमुख राजीव सिंहले बताए । 'चितवनकाे चनाैली सबस्टेसनमा समस्या थियाे तर यहाँ यसबाट आपूर्ति सुचारु भइसकेकाे छ,' उनले भने, 'मुग्लिनतर्फ आज पनि सेवा सुचारु गर्न गाह्राे देखिन्छ तर काम भइरहेकाे छ ।'
बाढीले १२ वटा पाेलमध्ये ७ वटा पुरै बगाएकाे र ७ वटा ढलेकाे र तार बगाएकाे आँबुखैरेनी वितरण केन्द्रका प्रमुख साेभितबहादुर क्षेत्रीले जानकारी दिए । यस्तै, म्याग्दे गाउँपालिकाकाे भट्टराइ थाेकमा रहेकाे ट्रान्सफर्मर नजिकका ३ वटा पाेल ढलेकाे र अहिले त्यसकाे मर्मत भइरहेकाे उनले जानकारी दिए ।
साथै, नारायणी नदीमा पनि जलसतहले खतरा तह ८ मिटर पार गरेको वा अझै बढ्ने क्रममा रहेकोले चितवन र नवलपरासीका नारायणी तटीय क्षेत्रमा रहेका नागरिकले उच्च सर्तकता अपनाउन जिल्ला व्यवस्थापन समिति चितवनले अनुरोध गरेको छ ।
