निगमले पेट्रोलमा १ र डिजेल तथा मटीतेलमा २ रुपैयाँ मूल्य घटायो

काठमाडौँ । भारतीय आयल निगम (आइओसी) ले पठाएको मूल्य सूची अनुसार नेपाल आयल निगमले पेट्रोल र डिजेलको मूल्य घटाएको छ । चैत ३ गते बिहान १ बजेदेखि लागू हुने गरी उक्त निर्णय गरिएको हो ।

निगमका अनुसार पेट्रोलको मूल्यमा प्रतिलिटर १ र डिजेल तथा मटीतेलमा प्रतिलिटर २ रुपैयाँ घटाउने निर्णय भएको छ । जसअनुसार, अब काठमाडौँ, पोखरा र दिपायलमा पेट्रोलको मूल्य प्रतिलिटर १७१ र डिजेल तथा मटीतेलको १५८ रुपैयाँ पर्ने निगमले जनाएको छ ।

यसैगरी, झापाको चारआली, विराटनगर, जनकपुर, अमलेखगञ्ज, भलवारी, नेपालगन्ज र वीरगन्जमा पेट्रोलको मूल्य प्रतिलिटर १६८.५० रुपैयाँ, डिजेल तथा मटीतेलको १५५.५० रुपैयाँ पर्नेछ । सुर्खेत तथा दाङमा भने पेट्रोलको प्रतिलिटर १७० र डिजेल तथा मटीतेलको १५७ रुपैयाँ निर्धारण गरिएको छ ।