ऊर्जा खबर
काठमाडौं । स्नो रिर्भस लिमिटेडले ३०.३५ किलोमिटर लामो १३२ केभी सिंगल सर्किट प्रसारण लाइन २ वर्षमा सम्पन्न गर्ने भएको छ । प्रदेश नम्बर १ अन्तर्गत ताप्लेजुङमा निर्माणाधीन सुपर काबेली खोला ‘ए’ जलविद्युत आयोजनाको स्वीचयार्डदेखि पाँचथर जिल्लामा रहने नेपाल विद्युत प्राधिकरणकाे सबस्सटेसनसम्मको लाइन २०८१ चैतभित्र सम्पन्न गर्ने लक्ष्य राखेको हो ।
काबेली खोला ‘ए’, सुपर काबेली खोला क्यासकेड र काबेली–३ आयोजना हुँदै अमरपुर सबस्टेसनसम्म निर्माण गर्न लागिएको लाइनको काम आगामी २ वर्षभित्र सम्पन्न गर्ने लक्ष्य रहेको कम्पनीले जनाएको छ । कम्पनीले यी तीन जलविद्युत आयोजनाको ४७.४३ मेगावाट विद्युत राष्ट्रिय प्रसारण प्रणालीमा जोड्न यो लाइन निर्माण गर्न लागेको हो । लाइन पूरा भएपछि काबेली खोला ‘ए’, सुपर काबेली खोला क्यासकेड र काबेली–३ काे विद्युत यही लाइनमार्फत प्रणालीमा थपिनेछ ।
आयोजनाको विवरण
क्षमता : १३२ केभी, सिंगल सर्किट
प्रवर्द्धक : स्नो रिभर्स लिमिटेड
स्थान : प्रदेश नम्बर १, ताप्लेजुङको सिरिजंगा गाउँपालिकादेखि पाँचथरको हिलिहाङ गाउँपालिकासम्म
दुरी : ३०.३५
विद्युत प्रवाह क्षमता : ४७.४३ मेगावाट
टावर : १०१
आवश्यक जग्गा : ५३.१३३ हेक्टर
सम्पन्न गर्ने लक्ष्य : २०८१ चैत १४
.jpg)
