ऊर्जा खबर
काठमाडौं । नेपाल विद्युत प्राधिकरण दिक्तेल वितरण केन्द्रले विद्युत महसुल तिर्न अटेर गर्ने ग्राहककाे लाइन काटी ५ दिनकाे अवधिमा करिब साढे ५ लाख बक्याैता असुल गरेकाे छ । केन्द्रले बारम्बार ताकेता गर्दा पनि महसुल तिर्न अटेर गर्ने ग्राहककाे लाइन काटी बक्याैता असुल गरेकाे हाे ।
केन्द्रले याे अवधिमा ४५ जनाबाटबाट जरीवानासहितकाे ३ लाख १९ हजार १ सय ६८ रुपैयाँ बक्याैता असुल गरेकाे छ । बाँकी महसुल तिरेपछि उनीहरूकाे लाइन पुन जाेडिएकाे छ । यस्तै, याे अवधिमा केन्द्रले ३८ जना ग्राहकको लाइन काटेको छ । यी ग्राहकबाट १ लाख ४६ हजार ९ सय ४२ रुपैयाँ उठाउन बाँकी थियो ।
यो अवधिमा केन्द्रले विद्युत चोरी गर्ने ७ जनालाई पक्राउ गरी कारबाही गरेको छ । केन्द्रले उनीहरूबाट जरिवानासहित १ लाख ३७ हजार ५ सय रुपैयाँ असुल गरेकाे केन्द्रले जनाएकाे छ ।
