ऊर्जा खबर
काठमाडौं । नेपाल विद्युत प्राधिकरण पाँचखाल वितरण केन्द्रले लामो समयसम्म विद्युत महसुल नतिर्ने ग्राहकको लाइन काट्ने चेतावनी दिएको छ । प्राधिकरणले लामो समयदेखि अटेर गरेर बसेको भुम्लु गाउँपालिकाको बडा नम्बर ४ चौबासले बक्यौता एक साताभित्र नबुझाए लाइन काट्ने चेतावनी दिएको हो ।
काभ्रेपलाञ्चोक जिल्लाको भुम्लु गाउँपालिकाको बडा नम्बर ४ चौबासले अगामी बुधबारभित्र बाँकी विद्युत महशुल नबुझाए लाइन काटिने केन्द्रले जनाएको छ । केन्द्रका अनुसार कार्यालयको विगत ६ महिनादेखिको बक्यौता बाँकी छ ।
कार्यालयको ५ लाख ६७ हजार ५ सय २९ रुपैयाँ विद्युत महशुल बक्यौता बाँकी छ । बारम्बार ताकेता गर्दा पनि कार्यालयले बक्यौता नबुझाएपछि लाइन काटिने चेतावनी दिइएको हो ।
केन्द्र अन्तर्गत अहिले करिब २० हजार ग्राहक छन् । केन्द्र अन्तर्गत हुकिङ वा चोरी गरेर विद्युत सेवा लिने सबैलाई कारबाही गरेर मिटर जडान गरिएपछि २ वर्षको अवधिमा ५ हजार ग्राहक बढेको हो ।
