अप्पर लोहोरे खोला हाइड्रो पावरको साधारण सेयर बाँडफाँड

काठमाडाैं । एनआईसी एसिया क्यापिटल लिमिटेडको निष्कासन तथा बिक्री प्रबन्धकत्वमा अप्पर लोहोरे खोला हाइड्रो पावर कम्पनी लिमिटेडको १०० रुपैयाँ अंकित दरका २ लाख ६ हजार ७ सय ६० कित्ता सेयर बाँडफाँड गरिएको छ । आयोजना प्रभावित क्षेत्रका बासिन्दाका लागि जारी पुँजीको १० प्रतिशत अर्थात् ५ लाख ९ हजार ८ सय ४ कित्ता सेयर निष्कासन गरिएकोमा माग अनुसार आवेदन प्राप्त हुन सकेको थिएन ।

कम्पनीले सर्वसाधारणका लागि जारी पुँजीको ४९ प्रतिशत (२४ लाख ९८ हजार ४० कित्ता) सेयर छुट्ट्याइएको छ । निष्कासन गरिएको सेयरमध्ये ३९ प्रतिशत अर्थात् १९ लाख ८८ हजार २ सय ३६ कित्तामा पनि १ लाख ९८ हजार ८ सय २४ कित्ता वैदेशिक रोजगारीमा गएका नेपालीहरूका लागि छुट्ट्याइएको थियो ।

यसैगरी, सामुहिक लगानी कोषलाई ९९ हजार ४१२ कित्ता र कर्मचारीहरूलाई ३९ हजार ७६५ कित्ता र सर्वसाधारणलाई १९ लाख ५३ हजार २७९ कित्ता सेयर साउन गत १८ गतेदेखि साउन २२ गतेसम्म निष्कासन तथा बिक्री खुल्ला गरिएको थियो ।