ऊर्जा खबर
काठमाडौं । चिलिमे जलविद्युत कम्पनीको गत आर्थिक वर्ष २०७८/७९ मा साढे ७६ कराेड रूपैयाँ खुद नाफा कमाएकाे छ । कम्पनीले सार्वजानिक गरेको वित्तिय विरण अनुसार खुद नाफा बढेको देखिएको हो ।
असारसम्मको अवधिमा ७६ करोड ७८ लाख ८६ हजार रुपैयाँ खुद नाफा कमाएको कम्पनीले जनाएको छ । कम्पनीकाे विवरण अनुसार नाफा गत वर्षको तुलनामा बढेको देखिएको छ । गत वर्ष ६६ करोड ८१ लाख ६१ हजार रुपैयाँ खुद नाफा कामाएको थियो ।
कम्पनीले यो अवधिमा विद्युत बिक्री गरी १ अर्व १८ करोड १७ लाख ४० हजार रुपैयाँ आम्दानी गरेको छ । कम्पनीको विद्युत बिक्रीबाट गरेको आम्दानी गत वर्षको तुलनामा बढेको हो । गत वर्ष १ अर्ब १२ करोड ८० लाख ५२ हजार रुपैयाँ आम्दानी गरेको थियो ।
यस्तै, खुद नाफा बढे पनि कम्पनीको अन्य स्रोतको आम्दानी भने घटेको छ । यो अवधिमा कम्पनीले अन्य स्रोतबाट ४६ लाख रुपैयाँ आम्दानी गरिएको छ भने अघिल्लो वर्ष कम्पनीले अन्य स्रोतबाट १० करोड ३४ लाख ६ सय रुपैयाँ आम्दानी गरेको थियो ।
कम्पनीको रसुवामा २२.१ मेगावाटको चिलिमे जलविद्युत आयोजना सञ्चालनमा छ । यो आयोजनाले २०६० भदौदेखि निरन्तर विद्युत उत्पादन गरिरहेको छ ।
