ऊर्जा खबर
काठमाडौं । नेपाली कांग्रेसको प्रमुख भ्रातृ संस्ता नेपाल विद्यार्थी संघ (नेविसंघ) ले सबै विद्यार्थीलाई सहुलियत दरमा विद्युतीय चुलो व्यवस्था गर्न माग गरेको छ । नेविसंघका अध्यक्ष दुजाङ शेर्पाको नेतृत्वमा वैकल्पिक ऊर्जा प्रवर्द्धन केन्द्रका प्राविधिक निर्देशक डा.नारायणप्रसाद अधिकारीलाई भेटेर यस्तो माग गरेका हुन् ।
नेविसंघले सरकारद्धारा सहुलियत दरमा वितरण गरिने भनिएको विद्युतीय चुलो सबै विद्यार्थीहरूलाई वितरण गर्न माग गरेकाे छ । शेर्पाले विद्यार्थीहरूको आधारभूत आवश्यकता विद्युतीय चुलो भएकोले सहुलियत दरमा उपलब्ध गराउन केन्द्रलाई आग्रह गरेको हो ।
केन्द्रले गत जेठ २५ को निर्णयअनुसार आदिवासी, जनजाति र दलित विद्यार्थीहरूलाई सहुलियतमा विद्युतीय वितरण गराउन माग गरेको थियो । केन्द्रले यसअघि विद्युतीय चुलोको लागि आवेदन माग गरेको थियो ।
