ऊर्जा खबर
काठमाडौं । स्वतन्त्र ऊर्जा उत्पादकहरूको संस्था, नेपाल (इपान) का महासचिव गोरे शेर्पाले अध्यक्ष कृष्णप्रसाद आचार्यले नै लामो समयसम्म निर्वाचन निर्देशिका लुकाएर राखेको आरोप लगाएका छन् । जेठ ३१ गतेको पत्रकार सम्मेलनमा बोल्दै उनले यस्तो बताएका हुन् ।
इपान निर्वाचन अधिकृतले किरण मल्ल नेतृत्वको प्यानललाई निर्देशिका अनुसार प्रतिस्पर्धामा सहभागी हुन अयोग्य घोषणा गरेपछि संस्थाभित्रका गलत गतिविधि बाहिरिएका छन् । निर्देशिकालाई पारदर्शी रूपमा बाहिर ल्याएर स्वस्थ निर्वाचन गर्नुपर्नेमा इपानका अन्य पदाधिकारीले सिन्डिकेड लादेको पनि उनले बताए ।
‘मैले यस्तो अस्वस्थ तरिकाले निर्वाचन नगरौं, विधान संशोधन गरेरमात्र चुनावमा जाउँ भन्दा ममाथि भौतिक आक्रमणको प्रयास भयो,’ उनले भने, ‘म विरामी भएर बस्दा मेरो अनुपस्थितिमा निर्देशिका जारी गरियो र अध्यक्षको निर्देशनमा लुकाएर राखियो ।’ हरेक सदस्यको हातमा निर्देशिका पुर्याएर पारदर्शी हिसाबले निर्वाचन गर्नुपर्नेमा त्यो व्यवस्था उल्लंघन गरिएको ऊर्जा अनुसन्धानधाता सूर्यप्रसाद अधिकारीले बताए ।
पूर्ण पाठ भिडियाेमा:-
