ऊर्जा खबर
काठमाडौँ । राष्ट्रिय स्वतन्त्र पार्टीले फागुन २१ गते हुने निर्वाचनमा लगानीका रूपमा ‘मतदान’ गर्न मतदातासँग आग्रह गरेको छ । पार्टीले ऋण लगानीका रूपमा मत माग्दै आफूले पाएको मतको ५ वर्षभित्र प्रतिफलसहित भुक्तान गर्ने प्रतिबद्धतासहितको ‘नागरिक करार–पत्र’ सार्वजनिक गरेको हो ।
उक्त पत्रमा जनाएको प्रतिबद्धता अनुसार पार्टीले आगामी ५ वर्षभित्र विद्युत् जडित क्षमता १५ हजार मेगावाट पुर्याउने लक्ष्य राखेको छ । त्यस्तै, प्रतिस्पर्धी अर्थतन्त्र निर्माणका लागि गुणस्तरीय सडक र हवाई सञ्जाल विस्तारको लक्ष्यसमेत राखेको छ ।
अर्थमन्त्री (जिडिपी) को आधार १०० अर्ब डलर नघाउने, प्रतिव्यक्ति आय ३ हजार डलर नघाउने, १२ लाख नयाँ रोजगारी सिर्जना गर्ने प्रतिबद्धतासमेत गरेको छ ।
त्यस्तै, पूर्वाधारको विकासलाई प्राथमिकता दिँदै ३० हजार किलोमिटर राष्ट्रिय राजमार्ग निर्माण गर्ने, राष्ट्रिय महत्त्वका १० वटा ‘सिग्नेचर आयोजना’ निर्माण गर्ने लक्ष्य बाचा गरेको छ ।
