ऊर्जा खबर
काठमाडौं । ङादी ग्रुप पावर लिमिटेडले आफ्नो सेयरधनी सदस्यलाई बोनस सेयर र नगद लाभांश वितरण गर्ने निर्णय गरेको छ । सञ्चालन समितिको फागुन १ गते बसेको बैठकले सेयरधनी सदस्यलाई जम्मा ५ प्रतिशत बोनस सेयर र नगद लाभांश दिने निर्णय गरेको हो ।
आर्थिक वर्ष २०७८/७९ को मुनाफाबाट हाल कायम चुक्ता पूँजी १ अर्ब ७६ करोड ७३ लाख ३१ हजार रकम बराबरको जम्मा ५ प्रतिशत बोनस सेयर र नगद लाभांश वितरण गर्न लागेको कम्पनीले जनाएको छ । कम्पनीका अनुसार ४.७५ प्रतिशत बोनस सेयर र ०.२५ प्रतिशत नगद लाभांश दिने तयारी गरेकाे हो ।
कम्पनीको लमजुङ जिल्लामा ५ मेगावाटको सिउरी खोला जलविद्युत आयोजना सञ्चालनमा छ । उक्त आयाेजनाले निरन्तर विद्युत उत्पादन गरिरहेकाे छ ।
