ऊर्जा खबर
काठमाडौं । नेशनल हाइड्रो पावर कम्पनी लिमिटेडको विद्युत आम्दानी बढेपनि खुद नाफा भने घटेको छ । कम्पनीले सार्वजानिक गरेको आर्थिक वर्ष २०७९/८० को पहिलो त्रैमासको वित्तीय विवरणमा नाफा घटेको देखिएको हो ।
साउनदेखि असोजसम्मको अवधिमा ६८ लाख १६ हजार ३ सय १० रुपैयाँ आम्दानी गरेको कम्पनीले जनाएको छ । कम्पनीका अनुसार गत वर्षको तुलनामा ५८ करोड ६ लाख २५ हजार ३ सय ८६ रुपैयाँले नाफा घटेको हो । गत वर्ष यो अवधिमा कम्पनीले ५८ करोड ७४ लाख ४३ हजार ६ सय ९६ रुपैयाँ आम्दानी गरेको थियो ।
कम्पनीले यो अवधिमा विद्युत बिक्रीबाट ६ करोड ३६ लाख २८ हजार ४ सय ३२ रुपैयाँ आम्दानी गरेको छ । गत वर्षको तुलनामा विद्युत बिक्रीबाट भएको आम्दानी भने बढेका छ । गत वर्ष १ करोड ३५ लाख ७५ हजार ३ सय ९ रुपैयाँ आम्दानी गरेको थियो ।
कम्पनीको सिन्धुपाल्चोकमा ७.५ मेगावाटको इन्द्रवती–३ जलविद्युत आयोजना सञ्चालनमा छ ।
