ऊर्जा खबर
काठमाडौं । एस.एन.इनर्जी प्रालिले २४ मेगावाटको सुपर सेती जलविद्युत आयोजना ३ वर्षमा सम्पनन गर्ने लक्ष्य राखेको छ । कम्पनीले गण्डकी प्रदेशको कास्की जिल्लामा पहिचान भएको आयोजना २०८३ भित्र सम्पन्न गर्ने लक्ष्य लिइएकाे हो ।
जिल्लाको माछापुछ्रे गाउँपालिकामा अवस्थित सेती नदीमा पहिचान भएको उक्त आयोजना निर्माण गर्न लागेको कम्पनीले जनाएको छ । कम्पनीले आयोजनाको काम अघि बढाउन विद्युत विकास विभामाग आवेदन दिएको छ । कम्पनीका अनुसार विभागबाट स्वीकृत पाउने लगतै आयोजनाको काम अगाढी बढाइनेछ ।
विभागले कम्पनीको नाममा अनुमति जारी गर्न मंगलबार सूचना प्रकाशित गर्दै आयोजना निर्माण तथा सञ्चालन गर्दा कुनै प्रतिकुल असर पर्ने भएमा ३५ दिन भित्रमा सरोकारवालालाई लिखित राय/सुझाव पेश गर्न आग्रह गरेको छ ।
यो आयोजना नदी प्रवाहमा आधारित (रन अफ रिभर) प्रकारको आयोजना हो । यस आयोजनाको डिजाइन वहाव ८.५ घनमिटर प्रति सेकेन्ड र समग्रगत हेड ३४४ मिटर रहनेछ । आयोजनाबाट वार्षिक सरदर १४०.९४५ गिगावट घण्टा विद्युत उत्पादन हुनेछ ।
आयोजनाको मुख्य संरचनाहरुमा हेडवर्क स्थल सेती नदीको बाँया किनारमा समुन्द्री सतहबाट करिब २१२४.५ मिटर उचाईमा र विद्युत गृह सेती नदीको बाँया किनारमा अर्थ सतहीबाट करिब १७७५ मिटर पर्दछन् । विद्युत गृहमा जडित ३ वटा ८ सय किलोवाट क्षमताको भर्टिकल एक्सिस, फ्रान्सिस टवाईनहरुमा पानी खसाली सो टवाईनसँग जोडिएको ३ वटा ३ फेज एसि सेन्क्रोनस जेनेरेटर मार्फत विद्युत उत्पादन गरिनेछ ।
उत्पादित ऊर्जालाई १३२ केभी प्रसारण लाइनमार्फत २१ किलोमिटर दुरीमा रहेको नेपाल विद्युत प्राधिकरणको लाहाचोक सबस्टेसनमा जोडिनेछ । आयोजना निर्माण तथा सञ्चालन गर्दा भू–क्षय, बाढी, पहिरो वायू प्रदुषण आदिद्वारा वातावरणमा उल्लेखनीय असर नपुग्ने गरी निर्माण गरिनेछ ।
