ऊर्जा खबर
काठमाडौं । अप्पर तामाकोसी हाइड्रो पावर लिमिटेडले १ः१ अनुपातका दरले हकप्रद सेयर निष्कासन गरी बाँडफाँड गर्न नागरिक लगानी कोषलाई बिक्री प्रबन्धक र सनराइज क्यापिटललाई सह–बिक्री प्रबन्धकमा चयन गरेको छ । कम्पनीले आफ्नो सेयरधनीलाई हकप्रद सेयर जारी गर्न बिक्री प्रबन्धक चयन गरेको हो ।
बिक्री प्रबन्धकका लागि मंसिर २६ गते (सोमबार) कोष, कम्पनी र सनराइज क्यापिटलबीच सम्झौता भएको छ । सय रुपैयाँ अंकित १० अर्ब ५९ करोड रुपैयाँ बराबरको १० करोड ५९ लाख कित्ता सेयर निष्कासन गरी बाँडफाँड गर्न बिक्री प्रबन्धक तोकिएको हो ।
हकप्रद सेयर निष्कासनपश्चात संकलन भएको पूँजी र माथिल्लो तामाकोसी जलविद्युत केन्द्रबाट भएको आम्दानी २० मेगावाटको रोल्वालिङ, ९९ मेगावाटको माथिल्लो तामाकोसी ५ र अन्य आयोजनामा लगानी गरिने कम्पनीले जनाएको छ । हकप्रद सेयर जारी गरेपछि कम्पनीको चुक्ता पूँजी २१ अर्ब १८ करोड २०० रुपैयाँ हुनेछ । कम्पनीको दोलखामा ४५६ मेगावाटमो माथिल्लो तामाकोसी जलविद्युत आयोजना सञ्चालनमा छ ।
