ऊर्जा खबर
काठमाडौं । २०७८ सालको असार र साउन महिनामा नेपाल विद्युत प्राधिकरणका ५० कर्मचारीले अनिवार्य अवकास पाउने भएका छन् । उमेर हद तथा सेवा अवधि पुगेका र शैक्षिक प्रमाणपत्रका आधारमा १ देखि ९ तहसम्मका कर्मचारीले अबको ६ महिनामा सेवाबा अवकास पाउन लागेका हुन् ।
प्राधिकरणले सेवाबाट अवकास पाउने उप–निर्देशकदेखि जुनियर हेल्परसम्मको नाम सार्वजनिक गरेको छ । प्राधिकरणका अनुसार असार महिनामा २४ कर्मचारीले अवकास पाउँदै छन् । साउन महिनामा अवकास पाउने २६ जना कर्मचारी छन् ।
सेवाबाट अनिवार्य अवकास पाउनेमा तनहुँ हाइड्रो पावर कम्पनी लिमिटेडमा कार्यरत ९ तहका खुशमणी ढकाल छन् । ढकालले उमेद हदका आधारमा साउन ४ गते सेवाबाट अवकास पाउँदै छन् ।
७ तहका समशेर बहादुर न्हुच्छेप्रधान, रामानन्द सिंह, श्रवन कुमार अर्यात, प्रद्युम्ननाथ शुक्ल, मनोज कुमार मिश्र र नारायण प्रसाद कर्ण पनि सेवा निवृत्त हुँदैछन् । समशेर, रामानन्द र श्रवनकुमारले क्रमशः असार ४, १९ र १६ गते अवकास पाउने प्राधिकरणले जनाएको छ ।
यस्तै, प्रद्युम्ननाथ र नारायणले साउन २१ गते तथा मनोज कुमारले साउन ३ गते अवकास पाउने भएका छन् । ६ तहका माधव प्रसाद तिमिल्सिना, खेम प्रसाद सिवाकोटी असार महिनामा अवकास हुँदै छन् । ६ तहकै बम बहादुर थापा क्षेत्री, पूर्णकुमार लामा, ऋषिकेश उपाध्याय, भानुझक्तप्रसाद खतिवडा र शिवप्रसाद पोखरेलले साउन महिनामा अवकास पाउने भएका छन् ।
५ तहका ७, ४ तहका १०, ३ तहका ५, २ तहका ९ र १ तहका ५ जना कर्मचारीले पनि असार र साउन महिनाभित्र अनिवार्य अवकास पाउने प्राधिकरणले जनाएको छ । प्राधिकरणले ६ महिनापछि अवकास हुने कर्मचारीको नामावली पहिले नै सार्वजनिक गर्ने गरेको छ ।
