ऊर्जा खबर
काठमाडौं । रारा हाईड्रोपावर डेभलपमेण्ट कम्पनी लिमिटेडले १२ लाख कित्ता साधारण सेयर निष्कासन गर्ने भएको छ । कम्पनीले दैलेखमा रहेकाे पराजुली खाेला–१ जलविद्युत आयाेजनाकाे सर्वसाधरणका लागि छुटयाएको सेयर निष्कासन गर्न लागेको हो ।
सय रुपैयाँ अंकित १२ करोड बराबरको १२ लाख कित्ता सेयर निष्कासन गर्ने तयारी गरेकाे कम्पनीले जनाएको छ । कम्पनीका अनुसार सेयर निष्कासन गरी बाँडफाँड गर्न मेगा क्यापिटल मार्केटसँग सम्झौता गरेको छ ।
सम्झौतापत्रमा रारा हाइड्रो पावर कम्पनी लिमिटेडको तर्फबाट शंकर लाल बैद्य तथा मेगा क्यापिटल मार्केट लिमिटेडको तर्फबाट सवीर बादे श्रेष्ठले हस्तारक्षर गरे। सर्वसाधारणका लागि सेयर निष्कासन गर्न अनुमतिका लागि नेपाल धितोपत्र बोर्डमा आवेदन दिने तयारी भइरहेकाे पनि कम्पनीले जनाएकाे छ ।
