ऊर्जा खबर
काठमाडौं । बाराही हाइड्रो पावर पब्लिक लिमिटेडको २५ लाख कित्ता सेयर आवेदन दिने आज अन्तिम दिन हो । कम्पनीले आयोजना प्रभावित स्थानीयका लागि कात्तिक ४ गतेदेखि खुल्ला गरेको सेयर आवेदन अवधि आज साझ ५ बजेबाट सकिन लागेको हो ।
सय रुपैयाँ अंकित २ करोड ५० लाख रुपैयाँ बराबरको १ लाख ५० हजार कित्ता सेयर निष्कासन गरेको कम्पनीले जनाएको छ । कम्पनीका अनुसार बाग्लुङ जिल्लाको जैमनी नगरपालिका वडा नम्बर १,४ र ५ साविक कुम्मीशेरा, सर्कुवा र विनामारे गाविस तथा जैमिनी नगरपालिकाका अन्य वडाहरुका स्थानीय बासिन्दाहरुको लागि सेयर निष्कासन गरिएको हो ।
स्थानीयले न्यूनत्तम १० कित्ता देखि अधित्तम १० हजार कित्तासम्मका लागि आवेदन दिन पाउनेछन् । लगानीकर्ताले एनएबि बैंक र ग्लोबल आईएई बैंकको कुस्मीसेरा शाखा, कुमारी बैंकको राहाले शाखा र गरिमा विकास बैंकको ट्राफिक चोक शाखा कार्यलयबाट आवेदन दिन सक्नेछन् ।
कम्पनीले स्थानीयको सेयर निष्कासन गरेको सेयर बाँडफाँड गरेसकेपछि दोस्रो चरणमा सर्वसाधारणका लागि छुट्याएको ४ लाख ५० हजार कित्ता साधारण सेयर निष्कासन गर्नेछ । सेयर निष्कासन तथा बिक्री प्रबन्धकमा यसअघि नै एनआइबिएल एस क्यापिटल लिमिटेड नियुक्त गरिएको छ ।
कम्पनीको बाग्लुङको कुश्मिसेरमा ४.५ मेगावाटको ठेउले खोला जलविद्युत आयोजना सञ्चालनमा छन् । २०७५ असार २४ गतेदेखि विद्युत उत्पादन भइरहेको आयोजनाको विद्युत् ७.५ किलोमिटर दूरीमा रहेको ३३ केभी कुस्मा सबस्टेसनमा जोडिएको छ । प्राधिकरणले उत्पादित विद्युतको हिउँदमा प्रतियुनिट ७.४२ रुपैयाँ र बर्खामा ४.२४ रुपैयाँ तिरिरहेको छ भने वार्षिक ऊर्जा औसत ८.२१७ गिगावाट घन्टा उत्पादन भइरहेको छ
.jpg)
