ऊर्जा खबर
काठमाडौं । तीन जलविद्युत कम्पनीले बिजुली बेचेर साढे ५ अर्ब बढी आम्दानी गरेका छन् । सगरमाथा जलविद्युत कम्पनी, युनाइटेड इदी मर्दी एण्ड आरबी हाइड्रो पावर लिमिटेड र सिक्लेस हाइड्रो पावर कम्पनी आर्थिक वर्ष (आव) २०७९/८० को ९ महिनाकाे अवधिमा साे आम्दानी गरेका हुन् ।
कम्पनीहरूले सार्वजनिक गरेकाे आव तेस्राे त्रैमासकाे वित्तीय विवरण अनुसार साउनदेखि चैतसम्मको अवधिमा ५ अर्ब ७६ करोड ८८ हजार २ सय ३५ रुपैयाँ आम्दानी गरेका छन् । कम्पनीहरूले गरेकाे आम्दानी गत वर्षको तुलनामा बढेको देखिएकाे छ ।
सगरमाथा जलविद्युतले ९.६ मेगावाटको सुपरमाई ‘ए’ काे विद्युत बेचेर १९ करोड ८७ लाख ६८ हजार ३ सय रुपैयाँ आम्दानी गरेको विवरणमा उल्लेख छ । सिक्लेसले १३ मेगावाटकाे मद्क्यूकाे बिजुली बिकी गरी २३ करोड ९९ लाख ८१ हजार ३ सय रुपैयाँ र युनाइटेड इदी मर्दीले ७ मेगावाटकाे माथिल्लाे मर्दीकाे बिजुली बेचेर १३ करोड ७३ लाख ३८ हजार ५ सय रुपैया आम्दानी गरेको छ ।
यसैगरी, उक्त तीन कम्पनीले ९ महिनाको अवधिमा १२ करोड ९६ लाख २१ हजार ५ सय रुपैया खुद नाफा कमाएका छन् । विद्युत उत्पादन आम्दानी बढेसँगै कम्पनीको नाफा पनि बढेको देखिएको छ ।
सगरमाथा जलविद्युतले ४ करोड ५४ लाख ६१ हजार ५ सय ८३, सिक्लेस हाइड्रो पावर लिमिटेडले ५ करोड ९६ लाख ५२ हजार युनाइटेड इदी मर्दीले २ करोड ४५ लाख ७ कजार ८ सय रुपैया नाफा कमाएकाे विवरणमा उल्लेख छ ।
