ऊर्जा खबर
काठमाडौँ । एसके इनर्जी डेभलपमेन्ट लिमिटेडले साधारण सेयर निष्कासन गर्ने भएको छ । यसका लागि कम्पनीले सानिमा क्यापिटल लिमिटेडलाई धितोपत्र निष्कासन तथा बिक्री प्रबन्धक नियुक्ति गरेकाे छ । यस सम्बन्धि सम्झौता पत्रमा एसके इनर्जीका अध्यक्ष वीरबहादुर राई र सानिमा क्यापिटलका प्रमुख कार्यकारी अधिकृत भिष्मराज चालिसेले हस्ताक्षर गरेका छन् ।
कम्पनीले प्रतिसेयर १०० रूपैयाँ अंकित मूल्यका दरले २० लाख ८० हजार कित्ता सेयर निष्कासन गर्न लागेको हो ।
एसके इनर्जी डेभलपमेन्ट लिमिटेडले भोजपुर जिल्लाको षडानन्द नगरपालिकामा श्याम खोला जलविद्युत् आयोजना निर्माण गरिरहेको छ । यो आयोजनाले ७.२ मेगावाट विद्युत् उत्पादन गर्ने लक्ष्य लिएको छ।
