ऊर्जा खबर
काठमाडौं । चितवनको भरतपुर क्षेत्रमा विद्युत लाइन ७ घन्टा काटिने भएको छ । नेपाल विद्युत प्राधिकरण भरतपुर वितरण केन्द्रले वितरण लाइनको मर्मत गर्न शुक्रबार विद्युत लाइन काट्न लागेको हो ।
भरतपुर महानगरपालिका अन्तर्गत कल्याणपुर फिडरको लाइन काटेर मर्मत गर्न लागिएको वितरण केन्द्र प्रमुख राजीव सिंहले बताए । उनका अनुसार बिहान १० बजेदेखि साँझ ५ बजेसम्म विद्युत लाइन काटिनेछ ।
लाइन काटेर बैकुण्ठ चोकदेखि धर्मचोक क्षेत्रमा ११ केभी फिडरको कन्डक्टरको स्तरोन्नति गरिने उनले बताए । लाइन मर्मत अवधिभर बैकुण्ठ चोक, कचपचे चोक, टाइगर चोक, विकास चोक, प्रेमबस्ती चोक, सीताराम चोक, कैलाश नगरलगायत स्थानको विद्युत सेवा प्रभावित हुनेछ ।
लाइन मर्मतको काम पूरा भएपछि साँझ ५ बजेबाट विद्युत आपूर्ति नियमित गरिने वितरण केन्दले जनाएको छ । प्राधिकरणले लोडसेडिङ अन्त्यपछि सबस्टेसनको स्तरोन्नति तथा वितरण लाइनको मर्मत गर्न सार्वजनिक सूचना जारी गरेर विद्युत लाइन काट्ने गरेको छ ।
.jpg)
