ऊर्जा खबर
काठमाडौं । सबै जसो औपचारिक कार्यक्रमकाे पानसमा बत्ती बालेर उद्घाटन गर्ने गरिएकोमा नेपाल वायो ग्यास प्रवर्द्धन संघको वार्षिक साधारणसभा फरक शैलीमा उद्घाटन गरिएको छ । संघको सोमबार राजधानीमा सम्पन्न २५औं वार्षिक साधारणसभाकाे वायो ग्यास प्लान्टबाट उत्पादन भएको अर्गानिक मल गमलामा हालेर उद्घाटन गरिएको हो ।
राष्ट्रिय योजना आयोगका सदस्य सदस्य कृष्णप्रसाद ओलीले पोखरास्थित गण्डकी ऊर्जा प्रालिले उत्पादन गरेको अन्नपूर्ण अर्गानिक मल गमलामा राखेर साधारणसभाको उद्घाटन गरे । उनले गमलामा रोपिएको विरुवाका लागि पुग्ने अर्गानिक मल हालेर संघको कार्यक्रमको शुभारम्म गरेका हुन् ।
गण्डकी ऊर्जाले पोखरामा सञ्चालन गरिरहेको व्यावसायिक वायो ग्यास प्लान्टबाट अहिले दैनिक ५ टन अर्गानिक मल उत्पादन गर्दै आएको छ ।प्लान्टबाट उत्पादन हुने अर्गानिक मल ४० र ३ किलो तौलमा बिक्रीका लागि बजारमा ल्याइएको छ । ४० किलो तौलको मलको बोरा व्यावसायिक तरकारी खेती र ३ किलो मल कोशी खेती प्रवद्र्धन गर्ने गरी बजारमा ल्याइएको हो ।
गण्डकी ऊर्जाले दैनिक ६ सय टन वायो ग्यास उत्पादन गर्ने क्षमताको वायो ग्यास प्लान्ट निर्माण गरेको छ । प्लान्टबाट उत्पादन हुने वायो ग्यास होटल, रेन्टुरेन्ट तथा अस्पतालमा बिक्री वितरण हुँदै आएको छ । वायो ग्यास प्लान्टका सञ्चालनका लागि गाई भैंसीको गोबर, कुखुराको सुली, उखु तथा वियर उद्योगबाट उत्पादन हुने फोरोरको प्रयोग हुँदै आएको छ ।
