ऊर्जा खबर
काठमाडौं । नेपाल विद्युत प्राधिकरणले विभिन्न सेवा समूह तथा उपसमूहमा कार्यरत ३ जना उच्च पदाअधिकारीलाई उप–निर्देशकमा बढुवा गरेको छ । प्राधिकरण बढुवा सिफारिस समितिले शनिबार जेष्ठता, कार्यसम्पादन तथा कार्यक्षमता मूल्याङ्कनका आधारमा ८ तहका ती कर्मचारीलाई उप–निर्देशक (९ तह) मा बढुवा गरेको हो ।
कर्मचारी सेवा विनियमावली, २०६२ (संशोधनसहित) को विनियम ४३ (क) र विनियम ५० मा भएको व्यवस्थाअनुसार कर्मचारीको बढुवा गरी रिक्त स्थानमा पदपूर्ति गरेको प्राधिकरणले जनाएको छ । प्राधिकरणले २३ गतेको निर्णय अनुसार बढुवा गरेको हो ।
जेष्ठताका आधारमा शेरजंग कार्कीलाई उप–निर्देशकमा बढुवा गरिएको छ । यस्तै, कार्यक्षमता मुल्याङकनका आधारमा लिलाकुमारी अर्याल र दिनेश कुमार श्रेष्ठलाई बढुवा गरिएको छ ।
प्राधिकरणले यस अघि पनि पहिलो चरणमा १९ गतेको निर्णय अनुसार १५ कर्मचारीलाई र दोस्रो चरणमा २० गतेको निर्णय अनुसार ९ कर्मचारीलाई बढुवा गरिसकेको छ ।
