ऊर्जा खबर
काठमाडौं । ह्याप्पी इनर्जी प्रालिले संखुवासभामा निर्माण गर्न लागेको ४० मेगावाटको माथिल्लो संखुवा खोला जलविद्युत आयोजनाको विद्युत खरिद सम्झौत (पिपिए) मा हस्ताक्षर भएको छ । नेपाल विद्युत प्राधिकरण र प्रवर्द्धक कम्पनीबीच आज (असार २५ गते) सम्झौता भएको हो ।
नदी प्रवाही (रन अफ रिभर) प्रकारको आयोजनाबाट वार्षिक २३५.४० गिगावाट घण्टा विद्युत उत्पादन हुने अध्ययनले छ । आयोजनाको मुख्य सुरुङ ३६५० मिटर र डायमिटर ३.५ मिटर हुनेछ । आयाेजनामा जर्मनीकाे प्रतिष्ठित कम्पनीमा निर्मित २ वटा पेल्टन टर्बाइन (२०-२० मेगावाट) जडान गरिने कम्पनीले जनाएकाे छ । अायाेजनाबाट उत्पादित विद्युत १३२ केभी प्रसारण लाइनमार्फत विद्युतगृहदेखि १९ किलोमिटर दूरीमा रहेकाे शीतलपाटी सबस्टेसनमा जोडिनेछ ।
कम्पनीका अध्यक्ष इन्द्र विष्टका अनुसार आयोजनाको ग्रस हेड ५१६ मिटर र नेट हेट ५०४.३८ मिटर हुनेछ । संखुवासभाको सिलिचाेङ गाउँपालिकामा निर्माण हुने आयोजनाबाट २०८५ जेठदेखि विद्युत उत्पादन गर्ने लक्ष्य रहेकाे छ ।
