ऊर्जा खबर
.jpg)
काठमाडौँ । नेपाल विद्युत् प्राधिकरणले डेडिकेटेड फिडर र ट्रंक लाइनको बक्यौता नतिरेको भन्दै नेपाल विद्युत् प्राधिकरणले तीन वटा उद्योगको लाइन काटेको छ । रिलायन्स स्पिनिङ मिल्स, घोराही सिमेन्ट र अर्घााखाँची सिमेन्टको विद्युत् लाइन मंगलबार साँझबाट काटेको प्राधिकरणले जनाएको छ ।
प्राधिकरणका अनुसार रिलायन्स स्पिनिङ मिल्ससले करिब ७५ करोड, घोराही सिमेन्टले ५१ करोड र अर्घाखाँची सिमेन्टको ४४ करोड रुपैयाँ प्रिमियम महसुल बापतको बक्यौता बुझाउन बाँकी छ ।
१५ दिनको म्याद दिएर महसुल तिर्न प्राधिकरणले यी उद्योगहरूलाई पत्राचार गरेको र महसुल नबुझाएपछि लाइन काटिएको जनाएको छ ।
डेडिकेटेड फिडर र ट्रंक लाइनको बिजुली प्रयोग गरेका ६१ वटा उद्योगले जरिवाना सहित करिब ८ अर्ब २५ करोड ९७ लाख रुपैयाँ तिर्नुपर्ने प्राधिकरणको भनाइ छ ।
उद्योगीहरूले भने पछिल्लो पटक पटक पत्रकार सम्मेलन गरी विद्युत् खपतको प्रमाणबिना प्राधिकरणले दाबी गरेको बक्यौता नतिर्ने अडान लिँदै आएका छन् ।
यसअघि प्राधिकरणले गत पुनको ६ देखि २३ गतेसम्म लाइन काटेको थियो । यसबारे छानविन गर्न सरकारले जाँचबुझ आयोग गठन गर्ने निर्णय गरेपछि लाइन जोडिएको थियो । सरकारले गठन गरेको आयोगले सरकारलाई प्रतिवेदन बुझाइसकेपछि पनि दुई पक्षबिचको विवाद भने कायम देखिएको छ ।
