ऊर्जा खबर
काठमाडौं । नबिल बैंकको ३ वटा र नेपाल बंगलादेश बैंकको १७ वटा शाखा बन्द हुने भएका छन् । नबिल बैंकले नेपाल बंगलादेश बैंकलाई प्राप्ति गरेपछि बन्द हुने भएका हुन् ।
बैंकले ति शाखा स्थानान्तरण गरि नजिकै रहेको अर्को शाखामा समायोजन गर्न लागेको हो । हाल कायम शाखा र समायोजन गरिएको शाखाको दुरी आधा किलोमिटर भन्दा कम रहेको बैंकले जनाएको छ । एउटा शाखाको यस्तो दुरी भने १ किलोमिटर रहेको छ ।
नेपाल बंगलादेश बैंकका १७ शाखाहरु नबिल बैंकसँग समायोजना हुन लागेका छन् । बंगलादेश बैंकका मोरङ जिल्लाका विराटचोक, झापाको दमक, महोत्तरीको बर्दिबास, रौतहटका चन्द्रनिगाहपुर, सिराहको मिर्चैय शाखा बन्द हुनेछन् ।
यस्तै, धादिङको गल्छी, मकवानपुरको हेटौंडा, चितवनको नारायणगढ, बाग्लुङको बाग्लुङ, तनहुँको दमौली, रुपन्देहीको भैरवा, कपिलवस्तुको चन्द्रौटा, बाँकेको कोहलपुर, दाङको तुल्सीपुर, सुर्खेतको सुर्खेत, कैलालीको टीकापुर, कन्चनपुरको महेन्द्रनगर शाखा बन्द हुने भएका छन् ।
नबिल बैंकको बारा जिल्लाको सिमारा, चितवन जिल्लाको पर्सा, नवलपरासी पूर्व जिल्लाको दलदले शाखा बन्द लागेका हुन् ।
